Sámi álbmotbeaivi
6. februar er Samenes nasjonaldag. Les om markeringa og finn undervisningsressursar for barnehage og skole.
Den 6. februar er det feiring av Samenes nasjonaldag. Dagen som også blir kalla Samefolkets dag, blei feira for første gong i 1993, på same tid som FNs internasjonale urbefolkningsår blei offisielt opna i Karasjok.
Ein dag for alle samar
Avgjerda om ein samisk nasjonaldag blei tatt på den nordiske samekonferansen i 1992, og dagen feirast både i Noreg, Sverige, Finland og Russland. Datoen for feiringa blei valt til minne om det første samiske landsmøtet som fann stad i februar 1917. Dette var første gong nord- og sørsamar frå Noreg og Sverige samla seg til eit stort møte for å drøfte felles problemstillingar på tvers av landegrensene. Dette møtet la grunnlag for arbeid samane seinare har gjort i fellesskap for å sikre folkerettsleg og demokratisk likeverd.
Undervisningsressursar knytt til den samiske nasjonaldagen
- På Tema Morsmål finn du ein tekst om samane på bokmål, nynorsk og åtte andre språk.
- På Salaby har dei ei side om samefolkets dag der du finn tekstar, filmar, spel og oppgåver.
- På minstemme.no finn du mellom anna artiklar, videoar, oppgåver og quizar om samefolket for barnehage og skole. Opplegga finn du ved å velje temaet «samefolket» i toppmenyen.
- På Sametinget si heimeside kan du lese meir om Nasjonaldag og nasjonale symbol og finne ressursar for barnehage og skole.
- Kunst og kultursenteret har i samarbeid med Nasjonalt senter for samisk i opplæringa laga heftet «Samisk kulturforståelse i barnehage og skole».
Lær om samiske språk
- Les fakta om samiske språk frå Giellavahkku.no
- På Bildetema kan du lære ord på tre samiske språk: nordsamisk, sørsamisk og lulesamisk
- Lær ti ord om menneske og dyr på tre samiske språk
- Lær å telje til ti på nordsamisk og sørsamisk
Musikkvideoar på samisk
- BlimE-dansen på nordsamisk
- Into The Unknown // Amas Mu Vuordá – frå filmen Frost 2, som er omsett til nordsamisk.
- Slincraze – Amma
- Binnabánnaš musihkkavideo – musikkvideoar for dei minste frå NRK Super
Markering av dagen
Samenes nasjonaldag er offisiell flaggdag i Noreg. Dagen blir markert fleire stader i landet. Mellom anna har OsloMet ei digital markering av Samenes nasjonaldag 5. februar – dagen før dagen.